MOK ja поздрави Бугарија за бронзениот медал на Тервел Замфиров
Претседателката на Меѓународен олимписки комитет Кирсти Ковентри го поздрави Бугарскиот олимписки комитет за бронзовиот медал на Тервел Замфиров – прв за земјата на Зимските олимписки игри по 20 години. Ковентри и претседателката на БОК, Весела Лечева, разговараа во Милано на средба на претставниците на националните олимписки комитети, јавува БНР.
„Ковентри упати специјални честитки за нашиот медалист Тервел Замфиров. Ѝ реков дека за Бугарите овој медал е еднаков на олимписка титула, бидејќи е долгоочекуван, но и многу заслужен“, изјави Лечева.
Специјална честитка за успехот на Тервел Замфиров упатил и големиот пријател на Бугарија – претседателот на Меѓународна федерација по гимнастика и член на МОК, Моринари Ватанабе, кој ѝ посака на Бугарија уште успеси до крајот на Зимските олимписки игри.
