МВР ГИ ПРОДОЛЖУВА ВИЗИТЕ НА СТРАНЦИТЕ ДО 31 АВГУСТ

/

Министерството за внатрешни работи донесе нова уредба со законска сила за примена на Законот за странци за време на вонредна состојба, како и за периодот по престанокот на вонредната состојба. Се рабтои за дополнување на Уредбата со законска сила донесена на 20.03.2020 година и со истата се продолжува периодот на престој на странци, на кои за време на вонредната состојба, им истекол краткорочниот престој или виза за краткорочен престој.

Како што се наведува, периодот на престој се продолжува, како за времетраење на вонредната состојба, така и по завршување на вонредната состојба, до 31 август 2020 година. Исто така, се продолжува рокот на важноста на дозволите за привремен престој и на дозволите за постојан престој, чиј рок на важност истекол или истакува за време на вонредна состојба. И во овој случај, важноста на дозволите за престој се продолжува и по завршување на вонредната состојба, до 31 август 2020 година.

„Имајќи предвид дека во наредните месеци очекуваме постепено нормализирање на состојбите, отварање на граничните премини и враќање во функција на сите видови патнички сообраќај, им укажуваме на странците да го следат развојот на ситуацијата и доколку се создадат условите за патување во овој период, да пристапат кон постапки за регулирање престој, согласно одредбите од Законот за странци“ соопшти МВР.



Претходна статија

ПРИПАДНИК НА ОБЕЗБЕДУВАЊЕТО НА ПЕНДАРОВСКИ ПОЗИТИВЕН НА КОВИД-19

Следна статија

УНГАРСКАТА ВЛАДА ЌЕ ПРЕДЛОЖИ НА 26 МАЈ УКИНУВАЊЕ НА ВОНРЕДНИТЕ ОВЛАСТУВАЊА

Најново од Вести