Над 600 луѓе даруваа крв за само еден ден во Бугарија за жртвите од трагедијата во Кочани

Нема значителна промена во општата состојба на пациентите од Република Северна Македонија примени на лекување во болницата „Пирогов“ во Софија, ВМА Варна болницата „Свети Георги“ во Пловдив, јавува БГНЕС.

Но, бранот сочувство што Бугарите го изразуваат кон пациентите од трагичниот инцидент во Кочани не стивнува ниту во овој момент. Само вчера – вторник, повеќе од 600 волонтери даруваа крв за настраданите кои се лекуваат во Бугарија.

Најголем број крводарители имало во Националниот центар за трансфузиона хематологија (НЦТХ), каде желба да им помогнат на пациентите од трагичниот инцидент во Кочани изразиле 218 лица.

Дел од донаторите со автобуси на НКТХ беа пренесени од УМБАЛСМ „Н.И.Пирогов“, каде беше отворен мобилен пункт, до домот за крв на ул. „Браќа Миладинови“. Уште 68 луѓе даруваа крв на лице место во болницата за итна помош. 109 се крводарителите во ВМА.

Во Регионалниот центар за трансфузиона хематологија (РЦТЦ) Пловдив вчера дојдоа 112 волонтери. 68 дарувале крв во РЦТХ Варна, 35 во Плевен и 14 во Стара Загора РЦТХ.

Во болницата Н.И.Пирогов се примени вкупно 9 лица, од кои две се екстубирани, а едно е на маска за кислород. Останатите пациенти и понатаму се на механичка вентилација.

Состојбата на останатите пациенти примени во Медицинскиот центар-Варна при ВМА и Медицинскиот центар „Свети Георги“ – Пловдив и понатаму е сериозна, но стабилна.