„Нема надеж дека преживеале патниците кои се водат како исчезнати“, новинарка јавува за 55 загинати во грчката несреќа

По железничката несреќа во Грција во која загинаа најмалку 44 лица, гневните Грци излегоа на улиците на Атина.

Протестот набрзо прерасна во судир меѓу полицијата и демонстрантите, а на улиците на главниот град беа забележани шок-бомби и солзавец.

Зошто граѓаните на Атина излегоа на улица по директниот судир на возови во Лариса, зошто се гневни и какви нови информации има во врска со несреќата, изјави за Нова ТВ од Атина дописничката на „Политика“, Јасмина Павловиќ Стамениќ.

Според неа, на улиците на Атина имало група од неколку стотици студенти, а можно е и во наредните денови да се повторат сцените видени синоќа.

„Тоа беше група од неколку стотици студенти кои протестираа поради се што се случи. Како и обично, имаше молотови коктели, секако реагираше полицијата, фрлен е солзавец. Сега се е смирено, но не мора да значи дека во текот на денешниот ден, кога студентите повторно ќе се организираат, нема да има нови немири” – вели Павловиќ Стамениќ и додава дека студентите бараат одговорност за се што се случило.

„Тој систем никогаш не беше активиран и практично се што се случи, трагедијата што се случи, судејќи според информациите што сега ги имаме, е човечкиот фактор. Наместо најмодерната електронска сигнализација, сè уште се користела радио станица. Вината што двата воза биле на иста пруга е кај стационарецот“, известува Павловиќ Стамениќ и додава дека досега во сударот на двата воза загинале 44 лица, податоците велат дека ќе има повеќе од 55, пренесе Нова.рс.