НОВО ПОСКАПУВАЊЕ НА ГОРИВАТА ОД НОЌЕСКА
Горивата од ноќеска на полноќ поскапуваат за еден до 1,5 денар по литар, одлучи денеска Регулаторната комисија за енергетика (РКЕ).
Малопродажните цени на бензинот ЕУРОСУПЕР БС-95 и на ЕУРОДИЗЕЛ (Д-Е V), се зголемуваат за еден денар по литар и ќе изнесуваат 58, односно 50 денари.
Цените на бензинот ЕУРОСУПЕР БС-98 и на Екстра лесното масло за домаќинство (ЕЛ-1), се зголемуваат за 1,5 денар по литар и ќе се продаваат за 60,5 и за 39 денари.
Со одлуката на РКЕ за 1,353 денари за килограм се зголемува и малопродажната цена на мазутот М-1 НС и ќе изнесува 24,613 денари.
