Обвинетите во „Т.Н.Т“ денеска на увид во „бомбите“ за Космос
Денешното рочиште закажано за случајот „ТНТ“ во кој обвинети се поранешниот премиер, Никола Груевски и поранешниот министер за транспорт и врски, Миле Јанакиески за уривањето на комплексот Космос, нема да се одржи, потврдуваат од Основниот суд Скопје 1. Судијата Огнен Ставрев во договор со адвокатите одлучил денес обвинетитеда вршат увид во доказите за оваа постапка на СЈО.
Од Кривичниот суд велат дека за датумот кога ќе продолжи судењето дополнително ќе информираат.
Во случајот „Т.Н.Т“ обвинети се седум лица за уривањето на комплексот „Космос“ на бизнисменот и претседател на Партијата за европска иднина Фијат Цаноски.
Обвинети се поранешниот премиер Никола Груевски, поранешниот министер за траснпорт и врски Миле Јанакиески, поранешниот градоначалник на општина Гази Баба Тони Трајковски, градежна инспекторка од Гази Баба и тројца членови на општинската комисија за набавки.
