OД УТРЕ УГОСТИТЕЛСКИТЕ ОБЈЕКТИ ЌЕ РАБОТАТ ДО 21 ЧАСОТ
Угостителите и дадоа 5 дена рок на Владата да ги усвои нивните барања. Незадоволни и револтирани од тоа што со првите мерки од новиот пакет, Владата реши да поддржи компании кои многу подобро работат од нив, побараа итна средба во Владата и до 25 јануари да се прифатат нивните предлози со кои очекуваат дека секторот ќе биде помогнат.
Владата, со донесената прва мерка од петтиот антикризен пакет, на ‘локомотивите’ – членки на Стопанската комора им подари 162,4 милиони евра, а на угостителите и натаму неосновано и неоправдано со времена одлука им го цепка и ограничува работното време и правото на работа.
Со вчерашните изјави на министерот Крешник Бектеши и вицепремиерот Фатмир Битиќи, како угостители, доживеавме ладен туш среде зима, дознавајќи дека првата одлука од очекуваниот 5-ти сет мерки е новогодишен подарок и честитка за ‘локомотивите’ на Стопанската комора“, се вели во реакцијата на НУК.
Вицепремиерот Битиќи вели дека угостителите не се заборавени. Како и сите други сектори, досега биле финансиски поддржани и ќе продолжат да ги помагаат.
Угостителит од утре ќе работат до 21 часот. Битиќи уверува дека следната недела ќе се разгледува и можноста нивното работно време да се продолжи до 23 часот.
Едно од поважните барањата на угостителите е целосно укинување на ограничувањата на работното време, нови протокли со кои ќе може да функционира целата индустрија и изедначување на ДДВ за сите угостителски услуги.
