Официјално: Немало официјална забрана за влез на територијата на РСМ за Андреј Ковачев и д-р Милен Врабевски

Управата за јавна безбедност на македонското Министерство за внатрешни работи официјално информираше дека нема забрана за влез на бугарските државјани на кои не им беше дозволено да учествуваат на панихидата на 6 мај на бугарските воени гробишта во Ново Село, Струмица, јавува БГНЕС.

Во официјален допис до адвокатот Насер Рауфи, кој побара официјално објаснување за забраната за влез од страна на македонските власти за четворица бугарски државјани, МВР од Скопје напиша дека „нема забрана за влез на територијата на Република Македонија за Андреј Ковачев, Милен Врабевски, Венцислав Цачев, Ивајло Иванов и Ивајло Колев”. Но, сите се вратени со службен документ од македонско-бугарската граница на 6 мај.

Нагласуваме дека против овие лица нема мерка забрана за влез во РСМ“, пишува во одговорот до адвокатот Руфи. Во истиот допис, пак, следува целосно нелогичното појаснување дека „во зависност од јавната безбедност, која ја оценуваат структурите на РСМ, секој странец мора да ги исполнува условите за влез во РСМ според Законот за странци, чл. 11″.

Самиот допис е потпишан од директорот на Управата за јавна безбедност на РСМ Сашо Тасевски.

Практично, тоа значи дека и без забрана секој може да биде вратен назад од границата со образложение дека претставува закана за националната безбедност на РСМ.