Османи: Најдобриот начин на спречување на говор на омраза е доколку доминира позитивниот говор помеѓу Бугарија и РС Македонија
-Најдобриот начин на спречување на говор на омраза е доколку доминира позитивниот говор помеѓу нашите држави и токму тоа се обидуваме да го правиме. Мислам дека со министерот Милков во последните месец и половина сме се гледале можеби десет пати и тоа беше договорот. Да се гледаме често, да комуницираме постојано, да наметнеме позитивна агенда за да не дозволиме простор некој друг да ни наметне лоша агенда, изјави шефот на македонската дипломатија на отворањето на Бизнис форумот насловен „До една милијарда и понатаму“.
Според него, ако оставиме празен простор, некој друг ќе го пополни.
-Бизнис форумот е да пополни еден сериозен однос во нашите односи. Денес не очекувам некој да зборува негативно во односите меѓу Македонија и Бугарија. Меѓутоа некаде не можеме да игнорираме дека имаше провокации во изминатите месец и обиди за киднапирање на агендата од двете страни, рече Османи на прес-конференцијата со неговиот бугарски колега Николај Милков.
Османи не очекува дека за една вечер ќе прекинат провокациите и дека ние ќе живееме во идеален свет на односи.
-Затоа сме ние тука да го пополниме тој простор со позитивна агенда и дека ние сме две пријателски држави во кои што има многу потенцијал. Не можам да исклучам провокации, но ќе реагираме и битно е како реагираме на нив. потенцира министерот.
