| |

ОСМАНИ: НАПРЕДОКОТ ВО МЕЃУСЕБНИТЕ ОДНОСИ ЌЕ ГО ТРАСИРААТ ПАТОТ ЗА ПРОДЛАБОЧУВАЊЕ НА ПРИЈАТЕЛСТВОТО МЕЃУ ДВЕТЕ ЗЕМЈИ

Заменик Претседателот на Владата на Република Македонија, задолжен за европски прашања, Бујар Османи, денеска во просториите на Секретаријатот за европски прашања оствари средба со Амбасадорот на Република Косово во Македонија, Илбер Хиса, по повод завршувањето на неговиот мандат.

„Македонија и Косово остварија значаен напредок во меѓусебните односи изминатиов период, трасирајќи го притоа патот за продлабочување на пријателството меѓу двете држави“ изјави Османи, упатувајќи благодарност до амбасадорот Хиса, за неговиот придонес во изградбата на добрососедските односи меѓу двете земји.

Во продолжение, соговорниците изразија задоволство од напредокот во остварувањето на заедничките проекти, особено во делот на проектите за меѓугранична соработка, финансирано од ИПА средствата на европската Унија, посочувајќи го тука како еден од поважните успеси и поставувањето на камен темелник на заедничкиот граничен премин – Белановце- Станчиќ. Во контекст на олеснувањето на комуникацијата меѓу двете земји, соговорниците го поздравија и напредокот на проектите за автопатско поврзување на Скопје и Приштина, со што двете земји и формално ќе станат најблиски соседи.

Соговорниците за време на разговорот уште еднаш потенцираа дека Македонија и Косово немаат отворени прашања, но имаат заеднички цели, за кои заеднички ќе работат – членството во ЕУ и НАТО.

Слични Објави