Палењето на зградата на Европа не е бугарски протест

Пишува: Георги Пашкулев/БГНЕС

Ова што се случи денеска пред БНБ и вандализмот врз зградата на претставништвото на ЕК во Софија не е бугарски протест, Бугаринот никогаш не се персонифицирал со примитивизмот. Тоа е протест на оние, кои веруваат во непобедливата Русија, а е поттикнат од перверзните и лажни бранители на Европа. Вистинските бранители на слободна и просперитетна Европа досега требаше да го осудат овој вандализам.

За жал, по втор пат во последните неколку години, зградата на Европската комисија во Софија стана предмет на вандализам на приврзаниците на „В’зраждане“. Сама по себе, ниту таа, ниту луѓето кои работат во неа, ниту самата институција не се виновни за ништо, за да го заслужат гневот на обичниот Бугарин.

Лошото е што имаме политичари кои во име на своето лично богатење го искористуваат незнаењето и стравовите на луѓето. Наместо да работат за нивниот електорат и сите Бугари да живеат подобро, тие се ставаат во служба на странските геополитички интереси. Овој протест се одржува во време кога неколку соседни земји посегнуваат по суверенитетот на Бугарија, а тоа што се случи денеска во Софија е во нивна корист.

На секој нормален бугарски граѓанин му е јасно дека успесите на Бугарија во сите сфери на развојот во голема мера се должат на тоа што сме дел од Европската унија и што тргуваме со земјите кои ја споделуваат заедничката евро валута. И ако некаде има проблем, тоа не е во ЕУ или еврото, туку во такви екстремни политичари користејќи го фактот дека во Бугарија се уште има граѓани кои не можат да ги почувствуваат плодовите од успехот на нашето членство.

Затоа, има само еден излез – напред кон еврозоната за да се намали нееднаквоста во Бугарија и да се одземе моќта на популистите!