ПЕНС ИМ ЧЕСТИТАЛ НА ЗАЕВ И ЦИПРАС ЗА ДОГОВОРОТ ЗА ИМЕТО

//

Претседателот на Владата на Република Македонија, Зоран Заев, синоќа имал пријателски и срдечен телефонски разговор со потпретседателот на САД, Мајк Пенс, јавува Владата на Република Македонија . Американскиот потпретседател упатил силни честитки до премиерот Заев и до неговиот грчки колега Алексис Ципрас за покажаното лидерство со потпишување на договорот за решение на спорот меѓу двете земји. Според потпретседателот Пенс, договорот покажува јасен сигнал дека Република Македонија се доближува кон развиениот западен свет, што ќе биде јасно верификувано на самитот на НАТО во Брисел наредната недела.

Поканата за влез во НАТО, како што рече Пенс е јасен сигнал дека позитивниот резултат од референдумот ќе значи конечно полноправно членство на Македонија во Северно-атлантската алијанса.

Пенс исто така изјави дека САД изразуваат интерес да бидат вклучени и да ги поддржат прогресивните процеси кои следуваат во наредниот период во Македонија, посебно за спроведување на реформите, како и за целосна имплементација на договорот со Грција.



Потпретседателот Пенс им посака на македонските институции успешни и динамички преговори за членство во Европската Унија, нагласувајќи дека пријателството помеѓу Македонија и САД се продлабочува и зајакнува.

Премиерот Заев изрази благодарност за големата поддршка што ја има Република Македонија од САД во континуитет од времето на прогласувањето на независноста и во сите важни процеси за државата односно интеграција во НАТО и во ЕУ, се вели уште во соопштението на Владата.



Претходна статија

АКО СЕ НАЉУТИ БУГАРИЈА И ПРЕКИНЕ ДА ДАВА ПАСОШИ ШУ ПРАИМЕ?!

Следна статија

ФОТО: „ПАРТИЗАНСКА“ И ЃУБРЕТО КАЈ „СИМПО“

Најново од Вести

Историскиот музеј во Благоевград ќе претстави две монографии, за ВМРО и за улогата на активните жени во бугарските заедници во Македонија и Одринска Тракија

Во Регионалниот историски музеј – Благоевград денеска ќе бидат претставени две монографии на д-р Елена Александрова,