Петков: Привршуваат тестовите на гасната интерконекција меѓу Бугарија и Грција

/

Тестовите на гасната интерконекција Грција-Бугарија се при крај, изјави бугарскиот премиер Кирил Петков во Александрополис. Тој изрази надеж дека многу брзо ќе има вистински гас.

Како што јави дописникот на МИА од Софија, Петков, по увидот на дел од новонастанатата гасна интерконекција меѓу Бугарија и Грција во регионот на Комотини, во Александрополис рече дека преку приклучокот гас може да протече пред септември годинава.

Според него, досега тестовите не покажале никакви дефекти. – До крајот на јуни целиот проект од бугарска и грчка страна треба да биде завршен. Со овој проект, ризикот дека Газпром може да го исклучи бугарскиот гас е значително намален. Цените за бугарските потрошувачи ќе бидат добри, рече Петков.

Тој ја посети мерната станица за гас, каде потврди дека и грчкиот премиер Киријакос Мицотакис како приоритет најавил завршување на проектот.



Интерконекторот треба да ги поврзе мрежите за пренос на гас на двете соседни земји, обезбедувајќи пристап до Јужниот гасен коридор и голем број нови извори на природен гас. ИГБ има вкупна должина од 182 километри, од кои повеќето се на бугарска територија.

Извор: zoom.mk

Претходна статија

Укинати се сите анти ковид мерки во нашата држава, освен овие!

Следна статија

(Видео) Белобрадова: Бугарија на секој начин треба да и помогне на Украина

Најново од Вести

Ковачев: На местото на спомениците на окупаторската Црвена армија во Софија и во Пловдив да се постават споменици на Левски, Ботев, Гоце Делчев, Тодор Александров и Ванчо Михајлов

Бугарскиот европратеник од редовите на ГЕРБ-СДС Андреј Ковачев, даде интересна идеја за тоа што треба да