Поднесено е обвинение против Жан Митрев, му се заканува казна затвор од 1 до 10 години
Основното јавно обвинителство – Скопје покрена обвинителен акт против доктор Жан Митрев, како физичко лице и против неговата болница, како правно лице, за кривично дело „измама”, јавува Слободен печат.
За ова кривично дело предвидена е казна затвор од една до 10 години.
Информацијата беше споделена на денешниот брифинг во Обвинителството со новинарите.
ИРЛ минатата година објави сторија во која обелодени дека приватната болница „Жан Митрев” им наплаќала на пациенти високи суми на пари за хемофилитрација при лечење од Ковид -19, а таа метода не била пријавена пред Агенцијата за лекови -МАЛМЕД.
Сопственикот на приватната болнива негираше дека ги измамил пацинетите и дека нема да прифаќа никакви спогодби со Обвинителството.
