Полицајците кои го спасија малото дете во Јамбол, ќе ја донираат наградата на спасеното дете и неговата помала сестра

Полицајците кои учествуваa во спасувањето на малото момче во Јамбол, беа наградени од министерот за внатрешни работи Емил Дечев. Тие одлучиле паричната награда да ја донираат за спасеното дете и неговата помала сестра, јавува БНР.

Наградени се Ивајло Димитров, Даниел Петров, Красимир Москов, Иван Топалов, Петар Облаков, Мартин Петров, како и граѓанинот Дињо Ганев, кој помогнал во акцијата.

Младши инспектор Мартин Петров изјави: „За мене наградата е тоа што го спасивме и со колегите решивме заедничката награда да биде дадена како помош за двете деца.“

Инцидентот се случи на 1 април. По дојава за дете кое виси од тераса, полицајците, ризикувајќи ги сопствените животи, за неколку минути успеале да го спасат. Во станот било пронајдено и бебе, а во моментот во домот немало возрасни лица.

Министерот Дечев истакна: „Исклучително е важно што во оваа акција учествувале заедно полициски службеници и граѓани кои не работат во МВР. Тоа покажува колку е важно взаемното дејствување и довербата меѓу МВР и граѓаните.“