Помеѓу тишината и зборовите: спомен на Атанас Далчев

Денес, 17 јануари, се сеќаваме на големиот бугарски поет Атанас Далчев, кој нѐ напушти на овој датум во 1978 година, јавува БНР.

Атанас Далчев е роден на 12 јуни 1904 г. во Солун. Во 1922 г завршил прва машка гимназија во Софија, а првите песни ги објавил во колективната збирка „Мост“ (1923). Неговиот талент брзо го поврзал со книжевниот круг „Стрелец“ (1926–1927), каде што учествувал активно.

Во 1927 г Далчев дипломирал филозофија и педагогија на Софискиот универзитет. Потоа заминал во Италија, каде што му се придружил на својот брат, скулпторот Лубомир Далчев и присуствувал на предавања за историја на уметност. Во периодот 1928–1929 г го збогатува своето знаење патувајќи низ Франција и слушајќи предавања на Универзитетот во Париз.

По враќањето во Бугарија, работел како професор по бугарски јазик во Софија (1930–1936), а потоа завршил курс за професори по француски јазик на Сорбона. Далчев извршувал различни функции во областа на образованието (1936–1947), а подоцна станал уредник на списанието „Пламен“ (1952–1956).

Атанас Далчев подолг период одржувал творечки молк и се посветил само на преводите. Само во 1974 г ја објавил книгата „Песни.Фрагменти“ со која го консолидирал своето влијание како водач на младите и во поезијата и во животот.

За неговиот придонес во литературата, Далчев ја добил престижната награда Хердер на Универзитетот во Виена.