ПОРТАЛОТ „ИНФОМАКС“ СЕ ПРОНАЈДЕ ВО ЗБОРОВИТЕ „ПОДРУМСКИ ЦЕНТРИ ЗА МАНИПУЛАЦИЈА“ НА ЗАБРЧАНЕЦ И ЌЕ ГО ТУЖИ
Порталот Инфомакс каде беше објавено видеото од Мечкин Камен, каде наводно група граѓани скандирале „Северна, Северна“ најавува тужба против советникот за односи со јавност во Владата, Марјан Забрчанец, кој тврди дека веста за скандирањето е срамна монтажа, јавува Фокус.
Порталот бара извинување од Забрчанец, во спротивно ќе покрене тужба и ќе бара отштета во износ од 3 милиони денари. Тужбата ќе биде покрената и против советникот за медиуми во Владата, Петрит Сарачини.
„Тоа е лажна, фејк, тажна продукција од нивните подрумски центри за манипулација. Тоа доаѓа од оние кои не можат да се помират дека во нашата земја доминира и победува концептот на заедништвото“, напиша Забрчанец.
