Повеќе од 110 години железничката линија во Ќустендил го чека возот од Скопје

Во Ќустендил беше отворена фото-документарната изложба „Железничката линија Софија-Ќустендил-Скопје. Вековниот стремеж кон една идеја“, јавува „Фокус“. Автор на изложбата е историчарот доц. д-р Ангел Џонев. Фотографиите и историските извори се наредени во фоајето на Општинскиот драмски театар. Со отворањето на изложбата се одбележуваат 115 години од отворањето на железничката пруга до Ќустендил – на 26 јули 1909 година.

Самата изложба го следи тешкиот пат на идејата за железничко поврзување на релација Софија – Ќустендил – Скопје, која има период од зачеток до нереализирање, поточно 150 години.

„Помина век и половина од овој стремеж – да се реализира идејата. Век и половина напори, како на бугарската држава, така и на луѓето кои претходно ја осмислија железничката линија, имено во 70-тите години на 19 век“, рече на отворањето на изложбата Ангел Џонев.

На почетокот е претставен државотворниот говор, прикажани се бројни усвоени закони и прописи, како и последователните градежни фази. Во 1893 година, делницата Софија – Перник била завршена и отворена на 8 декември истата година. Во 1897 година, линијата стигнала до Радомир, нејзината изградба започнала до Ќустендил и до границата со Отоманската империја во Ѓуешево, во 1898 година, но доживеала фијаско поради финансиски и надворешнополитички причини.

„Финансиските и надворешно политички причини го придружуваа нереализирањето на оваа линија во подолг временски период – до денес. Во неа има многу геополитика, но тие беа надминати во делот Радомир – Ќустендил – Ѓуешево, во 1909 – 1910 г, кога линијата стигна до овие две населени места“, додаде историчарот.

Тој посочи дека повеќе од 110 години железницата на граница го чека возот на нашите соседи. Годинава ќе се одбележи уште една годишнина, поточно 30 години од првата лопата на пругата Бељаковци – Деве Баир, во Република Северна Македонија.

„Работите и денес не се поволни на меѓународен план во однос на оваа пруга. Моментално делницата од Куманово до Крива Паланка е градилиште, но изградбата на делот од Крива Паланка до Деве Баир се уште не е почната. Новата власт во Република Северна Македонија го впери прстот кон овој проект и најави дека е прескап за завршување. На територијата на Бугарија се уште немаме завршен проект за модернизација на пругата од Ќустендил до Ѓуешево“, вели Ангел Џонев.