ПРАТЕНИЦИТЕ ПО ВТОР ПАТ ГО РАТИФИКУВАА ДОГОВОРОТ СО ГРЦИЈА-ЗАЕВ ГО ПОВИКА ИВАНОВ ДА ГО ПОТПИШЕ
Пратениците по втор пат го Ратификуваа Договорот со Грција, откако Претседателот на државата одби да го потпише Указот за прогласување на Законот. „За“ Договорот гласаа 69 пратеници, а независниот пратеник Ферид Мухиќ гласаше воздржано.
Министерот за надворешни работи Никола Димитров одговори на сите 5 точки од писмото на претседателот Иванов во кое тој образложува зошто нема да го стави својот потпис на Договорот. Димитров кажа дека со Спогодбата не се загрозува македонската посебност, туку се зацементира.
Од своја страна премиерот Заев повторно го повика претседателот Иванов да го потпише договорот. Одговарајќи на новинарски прашања по пуштањето во употреба на првиот фотоволтаичен систем на приватен објект, Заев истакна дека Иванов треба да го потпише Договорот со Грција, за да можат после граѓаните да го кажат својот став на референдум. Премиерот повторно го нарече договорот фер и правичен.
