Претставници на Бугарскиот ветеринарен сојуз учествуваа на меѓународен конгрес во Охрид
Претставници на Бугарскиот ветеринарен сојуз (БВС) учествуваа на меѓународниот конгрес „Први Охридски ветеринарни медицински состаноци“ во Охрид, Република Северна Македонија, соопшти тимот на БВС, пренесува БТА.
На форумот БВС го претставуваа д-р Мирослав Прванов – заменик претседател и д-р Петар Дојчев – секретар на сојузот. На конгресот биле присутни проф. д-р Милан Малетиќ – претставник на Комората на ветеринари на Србија, д-р Бојан Блонд – претседател на Здружението на ветеринарни лекари на Србија, д-р Ранко Савиќ – претседател на Ветеринарната комора на Црна Гора, д-р Арсим Адеми – претседател на Комората на ветеринарни лекари на Косово, д-р Велибор Кесиќ – претседател на Комората на ветеринарни лекари на Република Српска и претставници на Комората на ветеринарни лекари на Албанија.
Конгресот го отворија д-р Жарко Михаиловски – претседател на Ветеринарната комора на Република Северна Македонија и д-р Томислав Николовски – извршен директор на организацијата. Од името на претседавачот на Националниот совет на БВС честитка упати д-р Прванов. На домаќините им подари и посебен подарок од БВС – архаичен фенер, симбол на знаењето и просветлувањето.
На дводневниот конгрес беа опфатени различни теми од сите области на ветеринарната медицина, со говорници од Република Северна Македонија, Црна Гора, Косово, Албанија, Турција, Србија, Хрватска и Бугарија.
За непознатите актуелни зоонози зборуваше бугарскиот предавач – проф.д-р Илија Цачев, раководител на Катедрата за „Ветеринарна микробиологија, инфективни и паразитски болести“ на Факултетот за ветеринарна медицина при Тракијскиот универзитет – Стара Загора.
На средбата беше договорено продолжување на заедничките ветеринарно-медицински конгреси меѓу Бугарија и Република Северна Македонија. Првиот форум се одржа во 2019 година во Струмица, Република Северна Македонија, вториот во 2022 година во Пловдив, Бугарија. Третиот заеднички конгрес за ветеринари на двете земји треба да се одржи во 2024 година во Охрид, Република Северна Македонија, јавува БВС.
