Претставници на Министерството за култура на Бугарија положија венец на гробот на Иван Вазов

Граѓани и почитувачи на делото на Иван Вазов на 22 септември се поклонија и положија цвеќе на неговиот гроб во Софија, на настан организиран по покана на Националниот литературен музеј, соопшти бугарското Министерство за култура.

На панихидата, која ја отслужи отец Лачезар Попов, присуствуваа и роднини на Вазов, меѓу кои доц. Григориј Вазов и неговата внука Рада.

Во име на Министерството за култура, венец положија заменик-министрите Марина Василева и доц. д-р Пламен Славов.

За животот и делото на Иван Вазов, кого во Бугарија го нарекуваат Патријарх на бугарската литература, говореа директорот на Националниот литературен музеј Атанас Капралов и поетот Димитар Христов.

Во рамки на одбележувањето беше прочитана и лирската песна „Созерцание“ од Иван Вазов, во која поетот зборува за својата љубов кон татковината и за трајноста на поетското дело и по смртта.

Созерцание

Кога од родната земја ќе заминам,

оние што ме љубеа пак ќе ме љубат,

зашто ќе знаат што и кого во мене губат,

каков живот со ова срце згасна,

каков извор на љубов пресуши,

каква хармонија со лирата замолкна!

О, знам, и во гробот – пак ќе живеам,

ќе замолкнам, но во душите пак ќе пеам.

Животот го љубев, но не го ограбив:

Бугаријо, сè тебе ти дадов:

душа, срце, љубов, небесни зраци,

од тебе примени – ти ги вратив во песни.