ПРОЈАВЕТЕ ОДГОВОРНОСТ ПРЕД ГРАЃАНИТЕ ОД ИСТОКОТ И КАЖЕТЕ ЈА ВИСТИНАТА

//

Повеќе од една година институциите не успеваат да се справат со пуштањето на автопатот Штип-Миладиновци. Не само што граѓаните не можат да користат нешто за кое ќе плаќаат и нивните внуци, бидејќи знаеме за кредитите од оние „жутите” и „5-те % да не се многу Миле?”, туку никој не собра смелост и се разбира да пројави одговорност и да ни соопшти што е проблемот?!

Не е завршен проектот? Има ли пропусти кај изведувачите, подизведувачите или можеби контролата? Има ли некој одговорен за тоа? Колку ќе не чини автопатот? Има ли луѓе од претходната и сегашната власт кои злоупотребиле со средства предвидени за овој проект? Некакви тендери наместени, провизии, проценти? И најважно, ќе сноси ли некој одговорност за сето ова? Г. Заев, пројавете одговорност пред граѓаните од истокот, излезете и кажете јавно што е проблемот? Обелоденете сѐ што е поврзано со автопатот, а има индиции за злоупотреби.

Ја разбравме неможноста на МВР и г. Спасовски, да се справат со живи луѓе кои можат да се движат (го визирам економскиот гуру Груевски и неговиот патент во економијата ” како да станеш милијардер за 10 години?” )но проектите, кредите и банкарските сметки како и тендерите и др. се на хартија, нема како да им избегаат.

Во спротивност длабоко во мене, но и во голем дел од граѓаните останува чувството за политички пазар помеѓу СДСМ и ДПМНЕ во кој новата власт ја заштитува старата од кривична одговорност, во замена за полна власт и непречено решавање на одредени прашања. Не би шпекулирал со урбани легенди, но „злите јазици” како во земјава така и надвор, зборуваат за материјални репарации во замена за мир и слобода.



Автор: Петар Колев, претседател на Граѓанско Демократска Унија



Претходна статија

ДУИ БАРА ПРЕРАЗГЛЕДУВАЊЕ НА ОДЛУКАТА ЕРОЛ МУСЛИУ ДА СТАНЕ ПРВ ЧОВЕК НА АГЕНЦИЈАТА ЗА РАЗУЗНАВАЊЕ

Следна статија

(ВО ЖИВО) РАСПРАВА НА КОМИСИЈА ЗА ОДЗЕМАЊЕ НА МАНДАТОТ НА ГРУЕВСКИ

Најново од Истакнато