| |

ПРОМЕНЕТО ИМЕТО НА ТАБЛАТА НА ГРАНИЧНИОТ ПРЕМИН „БОГОРОДИЦА“

Денеска на граничниот премин „Богородица“ беше поставено новото име на државава – Република Северна Македонија. Како што најави директорот на Царинската управа Ѓоко Танасоски, во текот на денот ќе бидат сменети натписите и на другите гранични премини во земјава.

Процесот на промена на натишсите започна откако со објавување на уставните амандмани и Уставниот закон во „Службен весник“, синоќа (12.2) во сила влезе „Конечната Спогодба за решавање на разликите опишани во резолуциите 817 (1993) и 845 (1993) на Советот за Безбедност на ОН, за престанување на важноста на Привремената спогодба од 1995 година и за воспоставување на стратешко партнерство меѓу страните“.

Во рок од 2 месеци треба да се променат сообраќајните знаци на меѓународните патни правци во земјата, давајќи им предност на ендонимите (во англиска транскрипција) врз егзонимите (на македонски јазик во кирилско писмо).

Извор: АлсатМ

Слични Објави