Радев: Бугарија има интерес за економска, инвестициска и индустриска соработка со Франција, како одговор на размерите на француското културно присуство во нашата земја

Бугарија има интерес за економска, инвестициска и индустриска соработка со Франција како одговор на активните дипломатски односи и размерите на француското културно присуство во нашата земја. Ова го истакна бугарскиот претседател Румен Радев на денешната средба на „Дондуков“ 2 со државниот секретар за европски прашања на Франција, Лоренс Бун, јавува прес-службата на бугарскиот претседател.

Двајцата ги истакнаа силните традиции на француско-бугарската соработка во повеќе области од заемен интерес, како и можностите за нивна надградба во економијата, енергетиката, одбранбената индустрија, науката, образованието и културата. Претседателот Радев изрази благодарност за постојаната поддршка на Франција за пристапувањето на Бугарија во Шенген.

На средбата, Радев и Бун разговараа за повеќе прашања од агендата на ЕУ и европската перспектива на Западен Балкан, воените конфликти во соседните региони на Европа и нивните последици.