Радев и Кос разговараа за проширувањето на ЕУ и забрзаната изградба на Коридорот VIII

Бугарскиот премиер Румен Радев и еврокомесарката за проширување Марта Кос разговараа за проширувањето на Европската Унија и зацврстувањето на европските принципи и вредности во земјите кандидатки за членство, соопшти Министерскиот совет на Република Бугарија. Средбата се одржа во рамките на посетата на Кос на Бугарија.

Радев и Кос го истакнаа значењето на забрзаната изградба на транспортниот Коридор VIII, како стратешки проект за регионот. Разговараа и за проширувањето на транспортните, енергетските и дигиталните мрежи, кои ги посочија како клучен фактор за развојот на Југоисточна Европа.

Според соопштението, двајцата нагласија дека поврзаноста на Балканот е приоритет и за земјите од регионот и за Европската комисија, која финансиски поддржува повеќе проекти во оваа област.