|

Рекордно ниски температури во Шведска и Финска: измерени минус 40 степени

Во Финска и Шведска денеска се забележани најниските температури во текот на оваа зима од околу минус 40 степени Целзиусови.

Во селото Никалуокти, населено со домородното население Лапонско население во северна Шведска, температурата утрово се спушти на минус 41,6 степени, јави шведската јавна телевизија СВТ.

„Тоа е најниската температура измерена досега оваа зима, а времето ќе продолжи да биде прилично студено на север“, изјави метеорологот Нилс Холмквист.

Екстремно студеното време предизвика големи проблеми во железничкиот сообраќај на северот на Шведска, соопштија железничките оператори, пренесе АП. Шведскиот метеоролошки и хидролошки институт соопшти дека на неколку локации во северна Шведска се забележани температури од минус 30 степени.

Исто така, издаде предупредување за снег и ветер за централна и јужна Шведска, велејќи дека снежните врнежи и силниот ветер во среда може да предизвикаат проблеми.

Во соседна Финска утрово е забележана рекордно ниска температура оваа зима во северозападниот град Јливијеска, минус 37,8 степени. Температури пониски од минус 30 степени се забележани на неколку локации во регионот на Арктичката Лапонија.

Од силниот студ е зафатен и главниот град на Финска, Хелсинки, а оваа недела се очекува температурата да се движи од минус 15 до минус 20 степени. Финскиот метеоролошки институт издаде предупредување за екстремно студено време оваа недела со прогнозирани температури под минус 40 степени.

Слични Објави