Руски функционер и се заканува на Бугарија: Тие ја преминаа границата на разумот, ќе одземаат имот од Русите
Обидите за конфискација на имотот на Русите во Бугарија изгледаат без преседан и Москва нема да ги игнорира, изјави помошникот секретар на рускиот Совет за безбедност Нил Мухитов во интервју за ТАСС, пренесува Tribune.bg.
„Некои политичари во Бугарија, која беше пријателски настроена кон нас, сега се понижуваат пред Вашингтон и Лондон. Тие имаат намера да го уништат споменикот на советскиот војник „Аљоша“ во Пловдив, повикуваат да се отстрани секое спомнување на руската помош од учебниците по историја. И сега ја преминаа границата на разумот – ќе одземаат имот од Русите. Непотребно е да се каже дека нема да дозволиме ова да помине без внимание“, предупреди тој.
Претходно, пратениците во бугарскиот парламент подготвија нацрт-закон за враќање на државата на туристичкиот комплекс Камчија, во сопственост на владата во Москва, и за замрзнување на недвижностите на Русите кои подлежат на санкции од ЕУ.
