САД ќе ѝ испратат ракетни системи „Патриот“ на Украина, објави Трамп

Претседателот на САД, Доналд Трамп, соопшти дека земјата ќе ѝ достави на Украина системи за противвоздушна одбрана „Патриот“, со цел да ѝ помогне во одбраната од руската агресија, јавува БГНЕС.

„Ќе им испратиме ‘Патриоти’, кои им се итно потребни,“ изјави Трамп без да наведе конкретен број системи што ќе бидат испратени.

Оваа изјава доаѓа само две недели откако Вашингтон најави привремено запирање на дел од воената помош за Киев, што предизвика несигурност околу идните испораки.

Во истата прес-конференција, Трамп се осврна и на војната во Појасот Газа, истакнувајќи дека разговорите за прекин на огнот продолжуваат, иако преговорите во Доха засега се во ќорсокак.

„Што се однесува до Газа – водиме разговори и се надевам дека следната недела ситуацијата ќе стане појасна,“ изјави тој, задржувајќи оптимистички тон што го повторуваше и на 4 јули.