СДСМ: Победата над фашизмот отвори нов период во историјата, кој подоцна прерасна во обединета Европа

На денешен пред 78 години беше победено едно од најголемите зла во современата светска историја, велат од СДСМ.

Победата над фашизмот, како што е нагласено во нивното соопштение, отвори нов период во историјата, период на пријателство, соработка и интеграција, кое подоцна прерасна во обединета Европа.

Токму победата над фашизмот и Европа се темелни вредности на СДСМ, потенцираат од оваа партија.

„Државноста на Македонија почива на антифашистичката борба, а полноправно членство во големото европско семејство е наша стратешка цел поставена уште на денот на независноста. Нашите предци, во антифашистичката борба, со својот живот се вложиле во идеалот за слободна македонската држава. Нашата борба, сега е да се избориме за европска иднина на македонската држава“, се додава во напишаното од страна на владејачката партија.

СДСМ, како што додаваат, секогаш е на вистинската страна на македонската историјата, од процесот за мирно осамостојување и меѓународно признавање, па се до почеток на преговорите со Европската унија.