Шпанскиот филм „Црното топче“ ја освои големата награда на „Синелибри“ во Бугарија

Шпанскиот филм „Црното топче“ на Хавиер Калво и Хавиер Амброси ја доби големата награда за најдобра книжевна адаптација на 12. издание на Меѓународниот филмски фестивал „Синелибри“, соопшти Амбасадата на Шпанија во Софија.

Претставници на амбасадата го примија признанието во име на филмската екипа на свеченоста во Софија.

Меѓународното жири, предводено од режисерот Џим Шеридан, ги истакнало смелоста и визуелната и раскажувачката сила на делото, кое ги спојува фикцијата и реалноста за да ја истражи сложеноста на индивидуалната и колективната траума.

Филмот е инспириран од недовршеното дело на Федерико Гарсија Лорка и од драмата „Темниот камен“ на Алберто Конехеро, кој е и косценарист заедно со режисерите. Приказната ги поврзува сеќавањето, идентитетот и желбата низ различни генерации.

„Ја имавме честа лично да го примиме ова признание во име на екипата на филмот“, наведува Амбасадата на Шпанија.

Амбасадата ѝ го честита признанието на целата екипа и му се заблагодари на фестивалот за посветеноста на промоцијата на шпанското кино и култура во Бугарија.