ШТИПСКИОТ БАЗЕН ПРОДАДЕН ЗАРАДИ БАКАРОТ?!

//

„Дали причината за продажбата на штипскит базен лежи под него и не е видлива со „голо око“? “, напиша на својата официјална фб страна, претседателот на Граѓанско Демократска Унија- ГДУ, Петар Колев.

Во продолжение Колев постави и неколку прашања до градоначалникот Бочварски и локалната самоуправа

„Никој не сака да го постави прашањето, зошто е продаден градскиот базен?

Ќе се обидам поставувајќи прашање до локалната самоуправа и градоначалникот Бочварски, да го предизвикам откривањето на вистината за продажбата на базенот, па штипската јавност нека суди и во иднина нека решава кому ќе доделува доверба и власт во нашиот град.

  1. Дали е точно дека градскиот базен е обвиен од еден многу вреден благороден метал, кој служи како хидроизолација и е над 100. 000 килограми?
  2. Дали е точно дека пазарната цена на тие над 100. 000 килограми од тој метал (бакар пример) е 4-5 пати повисока од цената на која е продаден објектот?
  3. Дали има решение од Општинскиот совет за продажба на базенот, кои советници гласале ЗА и од која партија?
  4. Дали со средствата од продажбата на истиот благороден метал, можеше да се санира целиот базен, и со многу мала инвестиција да се покрие со балон- систем и денеска нашиот град да имаше покриен, а не затворен базен?
  5. И најважното, ќе сноси ли некој одговорност за сето ова или по стара наша пракса ќе биде „секое чудо за три дена“?!

Почитувани сограѓани, за жал, уште еднаш нашето општество и нашиот град стануваат жртви на немањето информација, градежната инвазија и лакомоста на некои локални политичари.



На Штип му е потребен базен, Штип мора да има таков спортски објект. Не заради нас, туку заради идните генерации штипјани. Пливањето како спорт е здравје, ние сме должни да им ги осигураме тие услови на нашите деца.”

Целата писмена реакција на претседателот на ГДУ, Петар Колев, можете да ја видите тука.

Претходна статија

ДВАЈЦА АЛБАНСКИ ДРЖАВЈАНИ ОСОМНИЧЕНИ ЗА ТРГОВИЈА СО МАРИХУАНА ВО ГОСТИВАР

Следна статија

НАША ЧИТАТЕЛКА: ВО ВРЕМЕ НА ЕПИДЕМИЈА ОД МОРБИЛИ ВО ПРИЛЕП НЕМА ДЕЖУРЕН ДОКТОР ПЕДИЈАТАР А НИТУ СЕ ВРШИ ВАКЦИНАЦИЈА

Најново од Вести