СИЛЕН ЗЕМЈОТРЕС ВО КИНА, ДЕВЕТМИНА ПОВРЕДЕНИ
Најмалку девет лица се повредени денес во земјотрес со јачина од 5,2 степени што го погоди градот Нанџијанг во кинеската провинција Сечуан, јавуваат кинеските медиуми.
Како што пренесува порталот CGTN, земјотресот е регистриран во 8:14 часот по локално време.
Четири повредени лица се во критична состојба, соопштија локалните власти.
Земјотресот уништи 20 домови, додека 11.968 домаќинства останаа бе струја.
Повеќе од 2.000 спасувачи, вклучувајќи полиција, служби за итни случаи, пожарникари, учествуваат во спасувачката акција.
Сеизмолозите велат дека е малку веројатно дека голем земјотрес ќе го погоди регионот во наредните денови.
Земјотресот е регистриран на длабочина од 14 километри.
Извор: Макфакс
