Силна експлозија потресе град под руска окупација: најмалку 25 повредени
Во експлозија за време на артилериски оган во градот Макиивка во источна Украина, ранети се 25 лица, соопштија руските власти. Шефот на регионот Доњецк, назначен од Москва, Денис Пушилин, во средата наутро на својот канал на Телеграм изјави дека меѓу повредените има и две деца во нападите врз градот, што го презедоа руските сили во 2014 година.
Something very large, very explosivee and very Russian blew up in Russian-occupied #Makivka, Donetsk Oblast, earlier this evening. The cause is unknown but it is definitely an ammunition dump.#OSINT #UkraineRussiaWar️ #UkraineWar #Ukraine #Counteroffensive pic.twitter.com/ePqUAocgs2
— OSINT (Uri) (@UKikaski) July 4, 2023
„Експлозијата ја почувствуваа повеќето жители на Макиивка и Доњецк“, рече тој. Според Пушилин, оштетени се станбени згради, болница, училишта и градинка. На украинскиот канал на Телеграм, СтратКом беше објавено видео на мобилен телефон од силна експлозија во градот, за која се тврди дека се работи за напад на руска воена база.
A large explosion is reported in occupied #Makiivka, Donetsk region. Local media published a video of the explosion. pic.twitter.com/g5TydjUalL
— NEXTA (@nexta_tv) July 4, 2023
Украинците рекоа дека експлозијата била толку силна бидејќи за време на гранатирањето било погодено складиште за гориво или муниција. Според руските воени блогови, артилериските ракети ХИМАРС, кои Украина ги добила од САД, биле користени за гранатирање.
Претходно, Пушилин извести за двајца загинати од гранатирање во регионот на Доњецк. Информациите од завојуваните страни не можат да бидат независно проверени. Макиивка беше местото на смртоносниот украински напад врз импровизирана руска касарна минатата новогодишна ноќ.
