СО „УЧИ ПАМЕТНО, РАБОТИ СТРУЧНО“ ОБЕЗБЕДУВАМЕ ПРАКСА И ПОТЕНЦИЈАЛНО ВРАБОТУВАЊЕ ЗА МЛАДИТЕ

//

„СДСМ како одговорна, државотворна партија продолжува со мерки и политики кои обезбедуваат сериозни можности за младите, за нивното образование и кариерен развој.

Владата предводена од СДСМ и Министерството за образование и наука, од оваа есен започнуваат со имплементирање на образовен процес „Учи паметно, работи стручно” низ кој учениците добиваат пракса и потенцијално вработување по завршување на образованието, додека пак компаниите добиваат стручно оспособен кадар кој е подготвен да одговори на дадените работни обврски.

Конкурсот за упис во средните училиште 2021/22 година преку заедничка соработка на МОН, ЛС и Компаниите им овозможува на учениците брз и успешен настап на пазарот на трудот, им дава добра основа за натамошна високообразовна надградба, гарантира добра заработка, конкурентност и финансиско осамостојување на младите, обезбедува големи економски ефекти и ја намалува младинската невработеност а пак компаниите добиваат добро подготвени и веднаш вработливи кадри.

Стручните паралелки преку „Учи паметно, работи стручно”, се зголемуваат од 61,66% во учебната 2020-2021 година на 65,22% за учебната 2021-2022 година, тоа во бројки значи 19.602 ученички места во 604 стручни паралелки и 1190 ученички места во 35 уметнички, спортско и математичко информатички паралелки.

Владата и МОН обезбедуваат 1500 ученици во дуалните паралелки да добијат месечен износ од 3.500 денари за 9 месеци во годината, 500 ученици во стручното образование од тригодишно времетраење да добијат по 3.500 денари месечено и 200 ученици од прва година кои реализираат наставни планови и програми од електротехничка, градежно-геодетска, угостителско-туристичка, земјоделско-ветеринарна, машинска или текстилно-кожарска струка ќе добиваат месечен износ од 2200 денари.



„Учи паметно, работи стручно” дополнително ги приближува приватните компании и средните стручни училишта кон соработка но и кон дефинирање на нови стручни профили за потребите на стопанството.

Наша заложба како Социјалдемократска младина е да го подобриме младинскиот стандард, да обебзедиме повеќе можности за младите да останат дома, во својата татковина и тука да градат своја иднина.

Продолжуваме да инвестираме во младите, затоа што тие се иднината на нашето општество, тие се иднината на нашата држава“, изјави на денешната прес-конференција Марко Михаилоски, претседател на СДММ.

Претходна статија

ОСМАНИ: ПО ЗАВРШУВАЊЕТО НА ИЗБОРИТЕ ВО БУГАРИЈА ОЧЕКУВАМ ДА СЕ СОЗДАДЕ АМБИЕНТ НА ДОВЕРБА ЗА ДА СЕ СООЧАТ РАЗЛИКИТЕ КОИ ГИ ИМАМЕ

Следна статија

ЛИЦЕ ОД УНГАРИЈА УАПСЕНО НА СКОПСКИОТ АЕРОДРОМ

Најново од Вести