Софискиот универзитет го отвора 63-от Летен семинар за бугарски јазик и култура
Софискиот универзитет „Св. Климент Охридски“ на 13 јули го отвора 63-от Летен семинар за бугарски јазик и култура. Свеченото отворање ќе се одржи во 16:30 часот во Аулата на Ректоратот, јавува БНР.
На годинашното издание ќе учествуваат 89 студенти, професори, преведувачи и истражувачи од 29 држави, кои го изучуваат бугарскиот јазик или професионално се занимаваат со бугарскиот јазик и литература.
Програмата опфаќа интензивни јазични курсеви на различни нивоа, предавања и дискусии за бугарскиот јазик, литература, историја и култура, како и работилници за превод, креативно пишување и разговорна практика. Предвидени се и посети на музеи и историски локалитети, средби со уметници, проекции и екскурзии низ земјата.
Од Софискиот универзитет посочуваат дека семинарот е една од најстарите и најпрестижни иницијативи во регионот и важна платформа за промоција на бугарскиот јазик и култура и за развој на меѓународни академски партнерства.
