|

Стоилковски: Срамот и хаосот во судството не застанува, ако СС незаконски разрешува претседател, што останува за обичниот граѓанин којшто бара правда пред било која истанца на македонското судство

Срамот и хаосот во македонскиот таканаречен правен систем, препознаени и надвор од Македонија, не застанува, рече портпаролот на ВМРО-ДПМНЕ Наум Стоилковски на денешната прес конференција.

– Случајот со Весна Дамева и одлуката на Управниот суд покажува само дека, ако во Судскиот совет се разрешува претседател, ако се работи незаконски и се носат одлуки спротивно на пишаните норми, што останува за обичниот граѓанин, којшто бара правда пред било која истанца на македонското судство, рече тој.

Разрешувањето на Дамева, претходната оставка заради нагласена политички- бизнис притисоци врз Црвенковска, изборот на претседател на Советот по Дамева, и сега одлуката на Управниот суд, во очите на домашната и меѓународна јавност се опишуваат со македонската “Од шупливо- во празно”, рече Стоилковски.

Да имаат грам достоинство, членовите на судскиот совет веднаш би требало да си поднесат оставка. Ова нема крај, препознаени се истите игри и врз Врховниот суд, закани за разрешувања, коишто носат дополнителен немир и несигурност кај граѓаните, но и аларм кај меѓународната јавност, додаде тој.

Слични Објави