Студенти од Тракискиот универзитетот го илустрираа преписот на „Историја Слaвјаноб’лгарска“
Поранешни студенти од Педагошкиот факултет на Тракискиот универзитет направија графички изглед и ги дигитализираа преписите на „Историја Словенобугарска“. Иницијативата е дел од националните настани за ракописна копија на Паисиевата историја по повод 300 години од раѓањето на еминентниот Бугарин, 60 години од неговото прогласување за светец и 260 години од пишувањето на книгата што го означи почетокот на бугарската Преродба.
Шест студенти од отсекот „Педагогија на наставата по ликовна уметност и графички дизајн“, раководени од својот професор д-р Катја Тинева, макотрпно работеа речиси 6 месеци за да го создадат уметничкото дело и во дигитални книги да ги конвертираат 12-те хартиени преписи на „Историјата“ – резултат на неуморната работа на над 1420 патриоти на возраст од 7 до 91 година од 5 области во државата. Благодарение на неуморната работа на младите графички специјалисти, ракописите на секој од 12-те преписи се уредени, богато илустрирани со гравури од Зографскиот манастир и претворени во електронска книга што ќе се чува за идните генерации. Прекрасните дигитални копии на најбугарската книга ќе бидат предадени за дистрибуција во различни библиотекарски и општински институции.
Креативниот тим, составен од Анита Илиева, Џулијана Гутова, Миглена Колева, Недко Бојанов, Петја Иванова, Симона Гекова и нивната професорка д-р Катја Тинева, беа наградени со посебни уверенија и благослов од монашкото братство на Зографскиот манастир. Наградите беа доделени за време на официјален настан – дел од регионалната средба на библиотекарите од Стара Загора, што се одржа во Регионалната библиотека „Захариј Књажески“ на 29-ти ноември 2022 година. Проф. д-р Ани Златева, главен секретар на Тракискиот универзитет лично им се заблагодари на младите патриоти за нивната трудољубивост и им посака уште многу креативни успеси.
