Коџабашев: Неприфатливи се манипулациите за работењето на историската комисија со РСМ

Сите манипулации дека заедничката комисија помеѓу Бугарија и РСМ за историски и образовни прашања се занимава со јавни прашања, кои излегуваат од рамките на општата историја според Договорот потпишан во 2017 година, се целосно неприфатливи и имаат за цел саботирање на работењето на комисијата. Ова го изјави портпаролот на МНР Костадин Коџабашев, јавува БГНЕС.

„На 7 декември ќе се одржи заеднички економски форум меѓу Бугарија и РСМ, чија цел е да се даде поттик на економските политики меѓу нашите земји“, појасни тој.

Коџабашев прецизираше дека пристапот на Бугарија во Шенген останува приоритет.

„Нашата земја ги докажа своите способности да биде полноправна членка. На 16.11 беше одржана дополнителна мисија на бугарскиот генерален конзулат во Истанбул, а покрај неа тимот членови на ЕК повторно потврди дека земјата заслужува да влезе во Шенген зоната. Имаме позитивни вести од Шведска откако тамошната социјалистичка партија објави дека го поддржува нашиот пристап. Водиме активни дискусии и со Холандија, која има за цел до крајот на годинава да донесе одлука за пристапување на нашата земја во Шенген“, објаснува Коџабашев.

Тој нагласи дека на 29 и 30 ноември се одржал состанок на министрите за надворешни работи на земјите членки на НАТО. Во рамките на форумот се разговарало и за војната во Украина, каде Бугарија најавила поддршка за украинската страна. Алијансата разговарала и за прашањето за безбедноста на Западен Балкан и Црното Море, како и за потребата да се одговори на хибридните напади.