„Танец“ и ансаблот „Пирин“ од Благоевград со хуманитарен концерт за лицата со Даунов синдром
На 25 април (среда) со почеток од 20 часот во Македонската опера и балет (МОБ) ќе се одржи хуманитарен концерт на ансаблите „Танец“ (Р. Македонија) и „Пирин“ (Благоевград, Република Бугарија). Парите собрани од картите за концертот ќе бидат донирани за потребите на лицата со Даунов синдром. Повелете, насладете се на убавите песни и ора и донирајте за овие наши сограѓани. Концертот е организиран од Здружението за помош и поддршка на лицата со Даунов синдром Трисомија.
