Татјана Станева: Нема поделба на русофоби и русофили меѓу бесарабските Бугари во Украина

Баталјонот во Болград кој претежно го сочинуваат етнички Бугари се бори за Украина против Русија. Ова за Хоризонт го изјави украинската бугарка Татјана Станева – сценарист, режисер и продуцент на филмот „Место на силата“, кој ги прикажува судбината и животот на бесарабските Бугари.

Снимката беше прикажана во бугарската амбасада во Брисел.

Според широко распространетата пропаганда во Бугарија, Бугарите во Украина се поделени во однос на страната што ја заземаат во војната, па дури се тврди дека повеќето се проруски настроени. Еве го одговорот на Татјана:

„Нема поделба. Војната започна во 2014 година, нели, и на 24-ти (февруари 2022 година) стана целосна. Во 2014 година имаше само една линија на фронтот – во Донбас. Беше далеку од нас и луѓето сè уште можеа некако да се разединуваат, затоа што руските медиуми емитуваа многу мирна состојба, а ние сепак сме демократска и толерантна држава. Тие медиуми ја ширеа таа лага и пропаганда цели 8 години. А на 24-ти, луѓето не можеа да поверуваат дека тоа е реално затоа што имаа голема љубов кон Русија“.

А има ли русофили меѓу бесарабските Бугари?

„Снимав низ цела Бесарабија, познавам многу луѓе. Немам ниту еден русофил меѓу моите пријатели. Не знам од каде ги наоѓаат, од каде ги земаат. Сигурно има такви. Но, нема поголем доказ од загинатите херои – Бугари кои умираат за слободна Украина. На 24 март ќе имаме хуманитарна аукција на која ќе собираме средства за 88-от баталјон кој е стациониран во Болград и кој претежно го сочинуваат Бугари“.