Топла насмевка и глина на занаетчиите од Северозападната задруга во Враца

За време на летниот распуст многу деца покажуваат интерес за работата на занаетчиите од Северозападната занаетчиска задруга од Враца.

Некои деца гледаат што прават занаетчиите, а други учат занает – како 16-годишната Мира која ја среќаваме во грнчарското студио на мајсторот Куман Жеков.

„Тука сум да ја откријам глината и топлата насмевка на мајстор Куман. Овој занает го учам во специјализираното училиште за сликарство и керамика во Тројан уште од 8-мо одделение. Сега сум 11-то одделение и овде се развивам со мајстор Куман. Секогаш се потребни нови знаења и вештини, како и целосна посветеност. Се обидувам да добијам ново искуство бидејќи не сум совршена. Сакам да се валкам, потоа да создавам убавина. Грнчарското тркало ми е тешко за вртење, но на мајсторот не му е тешко”, рече Мира.

За неа дигиталните уреди воопшто не се привлечни, таа сака преку глина да стане мајстор на уметноста. Мира е среќна што во Бугарија има многу уметнички училишта.

Фото: БНР