Тошев: Димитар Пешев е светол пример за Европејците, бидејќи застанал во одбрана на хуманоста

Димитар Пешев е одличен, светол пример не само за Бугарите, туку и за Европејците. Затоа, сосема е соодветно што неговата биста е таму во Палатата на Европа, каде што e седиштето на Советот на Европа, бранителот на човековите права во Европа. Ова го изјави поранешниот пратеник во бугарскиот парламент Лачезар Тошев, иницијатор за поставување на бистата на Пешев во ПАСЕ во Стразбур, јавува БНР.

„Таму треба да го има овој пример, на човекот кој не се двоумеше, што и да му се случи, да заземе став за човештвото. Тој потпаѓа под ударите на Народниот суд затоа што припаѓа на мнозинството, но тогаш немало цел да се земат предвид неговите заслуги за спас на ликот на Бугарија, која ги заштити своите Евреи“, рече Тошев по повод 130-годишнината од раѓањето на Димитар Пешев .

Бугарскиот пратеник во 36. Народно собрание го иницираше поставувањето на бистата на Пешев во зградата на Палатата на Европа во Стразбур.

„Таму има 10-12 бисти, но тие не се премногу, не секоја земја е претставена со биста. Тука се татковците на Европа како Роберт Шуман, Конрад Аденауер, Черчил итн., а меѓу нив е и Бугаринот Димитар Пешев заради неговата улога во спасувањето на бугарските Евреи“, гордо рече Лачезар Тошев.

И додаде: За да се прифати подарок во Советот на Европа, се поминува низ комплицирана процедура и на крајот се испитува од Комитетот на министри за надворешни работи. Одлуката беше да се прифати овој подарок од Народното собрание на Бугарија во 2000 година и да се постави бистата на Димитар Пешев во овој ред бисти на истакнати Европејци.