Трендафилов за БГНЕС: Бугарија е изговор за апсолутниот недостаток на стратешка визија во Скопје
И најоптимистичкиот дел од македонското општество почнува да се разочарува од немањето напредок кон членството во ЕУ. Унијата е свесна дека реформите кои ги засегаат човековите права и владеењето на правото не се случуваат. Македонската влада претставува лажна реалност пред општеството и нема јасно конструирана национална стратегија. Спорот со Бугарија стана дел од реториката на популистите, а во исто време отворањето на Уставот е далеку од единствената пречка со која се соочува РСМ. Ова во интервју за БГНЕС го изјави Георги Трендафилов, општественик, политичар и активист за правата на македонските Бугари.
Тој пред БГНЕС ја коментираме можноста РСМ да започне преговори со ЕУ до крајот на годинава, а исто така и опасноста од политички турбуленции и странско влијание доколку земјата се оддалечи од блокот.
„Сè уште веруваме дека до крајот на ноември ќе има можност РСМ да го промени својот устав и да започне вистински преговори со ЕУ и ЕК, иако последниот извештај на комисијата го разочара и најоптимистичкиот дел од македонското општество. Станува збор, за тоа како Брисел гледа на реформскиот процес во Македонија“, изјавиТрендафилов.
На прашањето дали македонското општество ќе се соочи со предвремени парламентарни избори и политичка криза, Трендафилов одговори:
„Политичката криза е секојдневие. Веројатно никој не може да даде одговор какви би биле политичките потези на официјално Скопје доколку не се отвори уставот и не се отвори првиот кластер од преговарачкиот процес. Едно е сигурно, без разлика која партија е на власт, таа знае да ја манипулира јавноста преку печатот, презентирајќи го само протоколарниот дел од процесот. Цела година зборуваме за некаков бугарски диктат, но никој не вели дека тоа е мултилатерална организација (се однесува на ЕУ – уред.) во која сите членки едногласно стојат зад францускиот предлог. Бугарија е алиби за апсолутно отсуство на стратешки перцепции, што може да се види од поголемите политички фактори во Македонија“.
Целиот напис прочитајте го на следниот линк БГНЕС.
