Тројца Бугари добија нова шанса за нормален живот по донаторска ситуација

Три лица добија шанса за втор живот по донаторска ситуација на 19 април, реализирана од екипа на Универзитетската болница за активно лекување и итна медицина „Н. И.Пирогов“ во Софија, со координатор д-р Христо Христов, известија од прес-центарот на Извршната агенција „Медицински надзор“, пренесува БТА.

Ова стана возможно откако роднините на 59-годишниот маж со мозочна смрт, благородно решиле да ги донираат неговите органи за да им дадат живот на други сосема непознати лица. Благодарение на нивното кажување „да“, на 20 април, лекарите од Воено-медицинската академија му трансплантирале црн дроб на 49-годишен маж, а во Универзитетската мултидисциплинарна болница за активно лекување, два медицински тима им трансплантирале бубрези на жена на 64 г. и на маж на 51 г. Според медицинските установи, пациентите се во добра општа состојба и остануваат под лекарски надзор.

Министерството за здравство на Бугарија и Извршната агенција „Медицински надзор“ изразуваат искрено сочувство до роднините на починатиот и изразуваат благодарност и почит за благородната одлука донесена во тежок момент за спасување човечки животи. Беше упатена благодарност и до екипите на медицинските установи вклучени во процесот на донирање и трансплантација.

БТА потсетува дека минатата година во Бугарија се спроведени 22 донаторски ситуации.