|

ТУРЦИЈА СЕ ЗАКАНИ ДЕКА ЌЕ ГИ ИСПРАТИ ТЕРОРИСТИТЕ НА ИСИС ВО НИВНИТЕ МАТИЧНИ ЗАПАДНОЕВРОПСКИ ЗЕМЈИ

Турција ќе ги испрати заробените терористи на Исламска држава назад во нивните матични земји, изјави министерот за внатрешни работи Сулејман Сојлу, цитиран од европското издание на Политико.
Министерот ги критикуваше европските влади за одбивањето да ги вратат своите сонародници кои беа дел од терористичката организација.

„Ова е неприфатливо за нас. Исто така е неодговорно “, рече тој. „Ние ќе ги испратиме заробените членови на Даеш (ИД) во нивните земји“.

Владите на земјите-членки на ЕУ не се едногласни дали да ги вратат своите граѓани што заминаа за Сирија да се борат во редовите на џихадистичката група. Франција најави дека терористите што ќе се вратат во земјата ќе бидат судени, додека Германија одбра да ги остави своите државјани во рацете на курдските борци и да ги врати само нивните деца и жени.

Слични Објави