Украинската премиерка се сретна со принц Хари: надеж за одржување на Игрите на повредените војници во Украина

Украинската премиерка Јулија Свириденко изрази надеж дека еден ден нејзината земја ќе биде домаќин на Игрите создадени од британското кралско семејство во поддршка на воените ветерани.

Таа ја изнесе оваа изјава по средбата со британскиот принц Хари, кој вчера ја посети Украина. На социјалните мрежи Свириденко објави фотографии од состанокот во Киев, нагласувајќи: „Разговаравме за работата на реадаптација и рехабилитација на поранешните војници“. Таа додаде дека му се заблагодарила на принцот за неговата поддршка за украинските ветерани.

Хари во 2014 година ги основа Игрите за воени ветерани кои биле повредени во воени дејствија. Украина учествува во нив од 2017 година, а според Свириденко, сега големата желба е тие да се одржат на украинска територија.

Украина има голем број ветерамо кои претрпеле тешки повреди во конфликтот и многумина биле подложени на ампутации.

За време на посетата, принцот Хари беше во зградата на украинската влада во Киев, оштетена минатата недела од руски обстрел, а потоа премиерката го испрати на железничката станица.

Ова е втора посета на Хари во Украина оваа година. Во април тој пристигна заедно со сопругата Меган Маркл во Лвов, каде што го посетија центарот за рехабилитација на повредени украински војници.