Вајц: Треба да се бориме против српското влијание во Северна Македонија
Во Северна Македонија набљудуваме сериозно странско влијание. Треба да се бориме против него, без разлика дали е српско, кинеско или руско.
Ова го изјави известувачот на Европскиот парламент за Северна Македонија, Томас Вајц, во Стразбур, пренесе БГНЕС. Неговиот извештај ќе биде ставен на гласање на 9 јули.
Тој нагласи дека во извештајот е запишан условот за промена на Уставот и конкретно – внесувањето на Бугарите во него.
„Во извештајот се наведува говорот на омраза и делата од омраза, потребата од владеење на правото и борба против корупцијата“, беше дециден Вајц, кој повика на слобода на медиумите и јасна отчетност за нивната сопственост.
Еврокомесарката за проширување на Унијата, Марта Кос, од своја страна изјави дека „единствениот пат напред – прво и пред сè – е промената на Уставот“. Таа го повика Скопје да ги почитува основните права, слободата на изразување и слободата на медиумите.
Ивајло В’лчев (ИТН/ЕКР) ги праша своите колеги: „Во која држава човек може да биде осуден затоа што цитира историски личности? Во која држава се напаѓани луѓе поради нивното потекло? И која држава си дозволува да ги гази меѓународните договори?“
„Денес со нас во салата е Љупчо Георгиевски и тој може да одговори на овие прашања, затоа што е достоен Бугарин, кој е загрозен со пресуда само затоа што има храброст да се нарече Бугарин од Македонија. Јас искрено верувам дека патот на РСМ е да биде дел од Европа, но власта таму треба да ги напушти своите господари од Белград и Будимпешта и да ги штити човековите права, да ги почитува обврските што ги презела“, додаде В’лчев. Тој се обрати и до јавноста во Северна Македонија со зборовите: „Мицкоски ве лаже.“
Андреј Ковачев од ГЕРБ/ЕНП изјави дека политичарите во Скопје го саботираат евроинтегративниот процес и дека Европската Унија не треба да си ги затвора очите пред тоа.
„Наместо реформи и вистински напредок, гледаме популизам, националистичка реторика и удобно претставување на Бугарија како непријател, поради кој не оди европската интеграција на земјата. Оваа политика води до директни репресии врз луѓето кои ја зачувале својата бугарска самосвест – потомци на мнозинството македонски Бугари. Тие се изложени на притисок, дискриминација и отворени закани, како во случајот со г. Георгиевски – еден од најистакнатите претставници на бугарската заедница“, нагласи тој. „Не го губете времето на сопствените граѓани“, им се обрати Ковачев на политичарите во Северна Македонија. „Дај Боже што поскоро да изгрее зората на слободата“, додаде тој.
