Собир на банатските Бугари во српското село Иваново

Во селото Иваново во Србија, основано во 1868 година од банатски Бугари, на 12 септември се одржа собир во организација на здружението „Иваново-Банат“, посветен на зачувувањето на јазикот, традициите и културното наследство, јавува БТА.

Бугарскиот амбасадор во Србија, Ангел Ангелов, прочита поздрав од претседателката на Бугарија Илијана Јотова, во кој се истакнува дека банатските Бугари повеќе од три века ги негуваат својот јазик и обичаи.

„Времето и растојанието што нè делат не можат да ги избришат нашите корени“, се наведува во пораката на Јотова.

На собирот присуствуваа и бугарскиот амбасадор во Романија Радко Влајков и пратеникот во романскиот парламент Георги Наков. На настанот учествуваа фолклорни состави од Иваново во Србија, Стар Бешенов во Романија и Бардарски Геран во Бугарија.

Домот на културата во селото Иваново, каде што се одржа собирот на банатските Бугари, е реновиран преку неколку програми со финансиска поддршка од бугарското Министерство за надворешни работи.