ВАКЦИНИ НЕМА, НО ЗДРАВСТВЕНИ ИНСТИТУЦИИ ВО ЗЕМЈАТА ПОЧНАА СО ПОДГОТОВКИ ЗА ВАКЦИНИРАЊЕ

Додека процесот на имунизација се одвива само во еден пункт во Скопје за медицинскиот персонал, во другите градови во земјата, за вакцините слушнале само од телевизија. Неколку здравствени центри во различни зони подготвиле медицинска опрема и просториите каде што ќе се применуваат вакцини против ковида.

Во една од нив во Куманово, што ја посетила екипата на Алсат М, медицинскиот персонал истакнал дека ја завршиле потребната обука за вакцините, кои се очекува да дојдат во март. Докторка Снежана Јовановска рече дека сите треба да се вакцинираат за да добијат колективен имунитет.

Од Управата на Здравствениот дом во Куманово, институција која е втора во земјава според бројот на граѓани што се третираат, велат дека целиот процес е предизвик. Според директорот Фарук Алили, иако децата се вакцинираат во истиот објект за редовни вакцинации, влезовите се различни и нема можност за ширење на инфекцијата.

Околу 50 градски здравствени работници веќе изразиле подготвеност да бидат вакцинирани, вклучително и лекари, медицински сестри и друг административен персонал, кои се директно вклучени во лекувањето на пациентите погодени од вирусот корона. Но, матичните лекари велат дека досега бројот на граѓани од овој регион кои доброволно се пријавиле за вакцинација не е толку голем.