„Вечните театри на Софија“ – изложба за културното наследство на бугарскиот главен град

На 26 март од 19:00 часот во галеријата nOva art space ќе биде отворена изложбата „Вечните театри на Софија“. Поставката ќе може да се посети до 3 април, по што ќе продолжи како патувачка изложба во фоајето на софиските театри, јавува БГНЕС.

Проектот, реализиран со поддршка од Град Софија, ја истражува историјата на сцени како Народен театар „Иван Вазов“, Театар 199, Младинскиот театар, Театар „Софија“, Малиот градски театар „Зад каналот“ и Театар „Преродба“.

Изложбата комбинира архивски фотографии со современи кадри од Дијана Манолова, кои откриваат „скриени простори на театарот – зад сцената, во гардеробите и механиката на сцената“, создавајќи дијалог меѓу минатото и сегашноста, вклучително и личности како големите бугарски театарски и филмски артисти Татјана Лолова, Цветана Манева и Стефан Данаилов.

Како што се истакнува, изложбата не е носталгичен гест, туку обид да се покаже „континуитетот на една традиција“, каде театарот се појавува како „жива медија“ што раскажува за градот преку своите актери и сцени.